ЦIех-рех гьабулеб Россиялъул комитеталъ лъазабуна, «Домодедово» абулеб аэропорталъул бетIергьабазда хурхун такъсирчилъиялъул цIех-рехалъул ищ рагьун бугин 2011 соналъул январь моцIалда аэропорталда теракт гьабиялда бан.
Доб къоялъ живго жинцаго чIвазе хIукму гьабурас кьвагьулеб алат хIалтIизабун, жиндаго цадахъ жеги 37 чи чIвана. 172 чи лъукъана.
«Эрпорт Менеджмент Компани Лимитед» абулеб компаниялъул Россиялда бугеб бутIаялъул бетIер Светлана Тришина, «Домодедово Эрпорт Авиэйшен Секьюрити» идараялъул вукIарав бетIер Андрей Данилов, ва аэропорталъул комплексалъул вукIарав бетIер Вячеслав Некрасов гIайибияллъун рикIкIунел руго хIинкъи гьечIолъиялъул шартIал чIезарунгутIиялда.
Гьелдалъун террористазе рес щун букIанин теракт бигьаго гьабизе.