Туркиялъул президент Ражаб ТIайгьип Эрдогьаница улкаялъул политиказдехун вуссун, ахIи бана «жавабияб хьвада-чIвадиялде» ва божилъиялъулгун гьуинлъиялъул атмосфера цIуниялде.
Туркиялда гьатIан къоялъ тIоритIарал парламентиял рищиязул хIасилалъ Эрдогьанил партиялъе рес кьун гьечIо парламенталда жиндирго хIукумат гIуцIизе. ГIун гьечIо 18 бакI. 45 къоялда жаниб коалиционияб хIукумат гIуцIизе гьечIони, рукIине руго цIиял парламентиял рищиял.