5 июналда Киевалда журналистазда цеве вахъунаго, президент Петр Порошенкоца лъазабуна, Украиналъ кинабго жо гьабизе бугин Крымалда тIад контроль нахъе буссинабиялъе. Гьес гьединго абуна, Киевалъ хIалтIи халат бахъинабизе бугин Россиялде данде лъазарурал халкъаздагьоркьосел санкциябазул рахъ кколел партнеразулгунин.
Порошенкоца такрар гьабуна, Россиялъул рахъалдаса Украиналде гьужум гьабиялъул ресал цIакъ кIудиял ругин. Гьесулго рагIабазда, 2014 соналъул апрелалда Украиналъул машрикъалъул рахъалда байбихьараб конфликталда гIумруялдаса ватIалъун вуго 6400-ялдасаги цIикIкIун чи.