Гьеб гIуцIиялъ бахъун буго Россиялъул политикиял туснахъазул иргадулаб, ай 2015 соналъул I июналде щвезегIан гьединаллъун рикIкIунезул сияхI. «Мемориалалъ» лъазабулеб буго политикиял туснахъаллъун рикIкIаразул жакъаялде вугин 50 гIанав чийин.
Цебесеб соналъул 30 октябралъ бахъараб сияхIалдаса нахъе ун вуго 10 чи, амма тIаде жуван вуго – 14. «Гьеб заманалда жаниб политикиял туснахъазул цогIагияв лъазавичIо витIаравлъун, лъиениги лъазабичIо амнистия» - ян, абулеб буго документалда.
«Мемориалалъул» цIияб сияхIалде восун вуго Олег Навальный, Леонид Тихонов, Наталья Бондарева, Рафис Кашапов, Екатерина Харибава, Иван Непомнящих, Алексей Сутуга, Сергей Лошкарев, Ильдар Дадин, Евгения Короткова, Анна Лепешкина, Александр Погребов, Алексей Широкожухов и Владимир Подрезов.