АрбагI къоялда Интерполалъ лъазабуна Халкъаздагьоркьосеб такъсирияб полициялъ бищунго ралагьулезул сияхIалде гъорлъе ФИФАялде хурхен бугев анлъго чи восиялъул хIакъалъулъ.
Гьезда гъорлъ вуго цеве Халкъазда гьоркьосеб футболалъул федерациялъул вице-президентлъун вукIарав Джек Уорнер ва ФИФАялъул кIудияб хъулухъалда вукIарав Николас Леос. Гьел кIиялго ккун руго жидерго ватIаназда, Уорнер – Тринидад и Табагоялда, Леос Парагваялда.
Гьеб сияхIалде восарав хутIарав ункъгояв кколел рагIула Аргентинаялдаса ва Бразилиялдаса. Ришватал рахъиялъул, цоцалъ рекъезарун къануниял гурел ишал гьариялъул ва коррупциялъул гIайибал гIунтIизарулел руго гьел киназдего.