Цолъарал Штатазул пачалихъияв секретарасул кумекчи Эштони Блинкеница Парижалда тIобитIараб пресс-конференциялда лъикIаб къимат кьуна «Исламияб пачалихъ» абураб радикалиял исламистазул гIуцIиязде данде къеркьолеб халкъаздагьоркьосеб рагъулаб коалициялъул хIалтIиялъе.
Гьесулго рагIабазда, гьанже гьеб гIуцIиялъул контролалда гъоркь бугеб территория коалициялъул операция байбихьаралдаса дагьлъун буго 25 проценталъ.
Аммайин жубалеб буго Блинкеница нилъ мукIурлъулел ругин, «Исламияб пачалихъ» гIуцIи гьанжеги щулаго хутIулеб букIинналъеги. Нилъеца баянлъизабизе кколин гьеб гIуцIиялъул хьвада-чIвадиялъул киналго къагIидаби ва гьелде дандечIей дагьалъги къувалъизабизе кколин.