МагъчIваялъе рес

СагIудиязул коалициялъ Йеменалда хуситазде цIиял гьужумал гьаруна


СагIудиязул ГIарабиялъул нухмалъиялда гъоркь Йеменалда рагъ бачунеб коалициялъул авиациялъ гьеб улкаялъул тахшагьар Санаялда ругел хуситазул объектазде гьавадул кьабиял гьаруна. Аслияб къагIидаялъ аэропорталда ва Президентасул кIалгIаялда аскIор.

Цого мехалъ бидулаб кьал унеб букIана СагIудиязул ГIарабиялъулгун Йеменалъул гIурхъида.

Хуситазде гьавадул гьужумал гьарулел руго Йеменалъул президент Абд-Раббу Мансур Хади тахалде тIад вуссинави мурадалда. ГьабсагIат гьев СагIудиязул ГIарабиялда вуго.

Санаялдаса гьев къватIивехун лъутун ана Йеменалда хуситаз питна багъарун хадуб. Хуситазе къвербакъи Ираналъ гьабулеб буго.

XS
SM
MD
LG