Молдавиялъул хIукуматалъ гьукъана «Россия 24» абураб канал жидерго улкаялда бихьизабизе. Россиялъул гьеб каналалдаса пропагандаялъул программаби рихьизарулел ругин, абулеб буго Молдавиялдаса экспертаз.
«Россия 24» каналалъ Приднестровьялда бугеб хIалалда тIаса передача бихьизабун букIана. Гьеб репортажалда рекъон, Приднестровье кIиго тушманиял улкаялда гьоркьоб ккун буго – Украиналда ва Молдавиялда.
Гьединго Молдавиялда рекIее гIун гьечIо Россиялъул каналалъ улкаялда арал рищиязда тIаса кьураб репортажги. Экспертаз абухъе, Россиялъул хIукуматалъ рахъ ккурав кандидат гурони вихьизавун гьечIо каналалъ. Гьединго экспертаз бицана Украиналда сверухъ «Россия 24» каналалда кьолел передачабиги гIицIго пропагандалъулал ругин.