Украиналда унел тунка-гIусиязда Америкаялъул Цолъарал Штатазул солдатал гIахьаллъизе гьечIин абуна СШАялъул президентасул пресс-секретарь Джош Эрнестица.
Пресс-конференциялда гьесда журналистаз гькикъана ГIиракъалда гIадин Украиналда бугеб конфликталда щай США гIахьаллъуларебян. Эрнестица абухъе, СШАялъ кумек гьабулеб буго Украиналъе ярагъ битIун, рагъулал ругьнулъаби гьарун, амма кьвагьа-гIанхъиязда америкаялъулал гIахьаллъизе гьечIо.
Гьединго Барак Обамал пресс-секретарасул рагIабазда рекъон, Россиялде дандечIеялъе СШАялъ ва НАТОялъ цогидал сурсатал хIалтIизарила.