ЦIунтIа мухъалъул полициялъул идараялда хIалтIулев цIех-рех чи ккун вуго низам цIунулез – 700 азарго гъурущ ришват хIисабалда гьес бахъун бугин такъсир гьабиялда щаклъи бугев бизнесменасухъаилан рикIкIунеб буго низам цIунулез.
Гьезул лъазабиязда рекъон, мухъалда школа балаго бюджеталъул гIарцул бутIа жиндирго чвантиниб лъуравлъун рикIкIунев бизнесменасда цIех-рех чияс абун буго жиндие ришват кьунани гьесда тIад рагьараб уголовияб иш ТамихIалъул Кодексалъул тамахаб къануназдалъун бачине бугин.
ГIарац босине цIех-рех чи вачIун вуго бизнесменасухъе рокъове ва гьениве гьев ккун вуго низам цIунулез.