МагъчIваялъе рес

Мигрантал рукъарал хобал ратана Малайзиялда


Малайзиялъул полициялъул бетIер Халид Абу Бакарица лъазабуна легалиял гурел мигрантал рукъараб анцI-анцI хоб батиялъул хIакъалъулъ. Гьесул рагIабазда рекъон, гьел ратун руго Малайзиялъул шималияб рахъалда Таиландалъул гIорхъода аскIоб. Гьениб маялъул бакьулъ тIобитIун буго хасаб операция. Полициялъул хIисабалда, гIорхъода аскIоб бугеб мухъалда букIун ратизе бегьула къануналде данде кколареб къагIидаялда гIуцIараб мигрантазул 30-гIанаб мархьи.

БакIалъулаб прессаялда базабун Би-Би-Си агентлъиялъ лъазабулеб буго, ратарал хобазда жанир вукIун ватизе бегьулин анцI-анцI чи. Цогидал баяназда рекъон, гьенир вукIун ватизе бегьула кинавгIаги I40-гIанав чи. Гьелъ кколел рагIула Мьянмаялда гIумру гьабун ругел рохинджа абураб халкъалъул бусурбаби. Жидерго ватIаналда гьеб кколеб рагIула гьитIинабго къадаралъул халкълъун ва ватIаналда гьезде тIадецуй гьабулеб рагIула динияб кьучIалда.

ООНалъул хIисабалда, Мьянмаялда 2012 соналда рохинджа миллаталъулги халкъалъул аслияб къадар кколел буддистаздаги гьоркьоб тунка-гIусиял рагъарун хадуб, Таиландалдасахун Малайзиялде лъутун вуго 120 азаргоялдаса цIикIкIун рухинджа.

XS
SM
MD
LG