Цолъарал Штатазул Пентагоналъул бетIер Эштон Картерица CNN-телеканалалъе интервью кьолаго абуна, ГIиракъалъул хIукуматалъул аскариязул гIураб яхI гьечIин «Исламияб пачалихъилан» абулеб террористикияблъун лъазабураб гIуцIиялда тIад бергьенлъи босизе.
Хасго Рамади шагьаралда аскIоб букIараб кьалда гьеб якъинго бихьулеб букIанин, абуна Картерица.
ГIиракъалъул аскариязул къадар цIикIкIараб букIаниги, гьезда кIвечIо рагъизе, гьез жидерго позицияби тун, нахъе анин.
Эштон Картерица абуна Цолъарал Штатазда кIола ГIиракъалъе кумек гьабизе, ярагъ ялъуни рагъулаб хIалбихьи кьун, аммаила аскариязе яхI кьезе жидеда кIоларин.