Минскалда гьабураб къотIи-къаялъул шартIал цIунулел гьечIо, хасго кIиябго рахъалъул рагъулаб техника нахъе рачиналул шартI, ян лъазабуна Киевалда букIараб брифингалда Европаялда ХIинкъи ГьечIолъи цIуниялъул ва рекъон хIалтIи гьабиялъул гIуцIиялъул хасаб къукъаялъул бетIер Александр Хугица.
Гьадинаб баян гьабун бугин роржарухъаби гьечIел боржарабаздаса гьарурал суратазда мугъ чIвай гьабун. Гьеб гуребги, тIаде жубана Хугица, ОБСЕ-ялъул рехсараб къукъа кватIичIого гIатIилъизе бугин. Гьениб хIалтIизе буго 42 улкаялдаса 756 чи.