«Исламияб пачалихъилан» абулеб экстремистикияб гIуцIиялъ жиндирго тIубараб контролалде гъоркь босун буго Сириялъул Пальмира абулеб некIсияб шагьар. Гьениб бугеб дунялалъул тарихияб ирсалъе гьелдалъун хIинкъи щолеб буго, ян лъазабуна ЮНЕСКО-ялъул бетIер Ирина Боковалъ.
КIудияб Британиялда бугеб Сириялъул инсанасул ихтиярал цIунулеб гIуцIиялъул баяналда рекъон гьабсагIат контролалда гъоркь буго Сириялъул территориялъул бащдаб бутIа. «Исламияб пачалихъалъул» къеркьохъаназ Пальмираялъул туснахъ бахъана.
Гьенив 1980 соназда гьанжесев президент Башар Асадил эмен Хафез Асадил заманалда нус-нус чи чIвана. Ва гьеб туснахъ гIадамаз рикIкIула зулмуялъул ишаралъун.