Шималияб Кореялъул пачалихъияб телевидениялъ лъазабуна улкаялда гьабун бугин гьитIинаб тайпаялъул атомияб бомбаилан. ЦIиял харбазул программа бачуней дикторалъ цIалана Улка ЦIуниялъул Пачалихъияб Комитеталъул пресс-релиз.
Шималияб Кореялъ жиндирго атомияб ярагъ цебетIезабиялъ Магърибалъул гуребги – Москваялъулги рахIат хвезабулеб буго.
Цолъарал Штатазул вакилзабаз лъазабуна – Кореялъул Халкъиябгун Демократикияб Республикаялъ гьарулел атомиял хIалбихьияз пасалъи гьабулеб ярагъ тIибитIизабунгутIиялъул низам хвезабулеб бугин.