Россиялъул цIех-рехалъул комитеталъул суравчагIазул хиял гьечIин Рамзан Къадиров суравалде ахIизе Борис Немцов чIваялъул хIужаялда бан. Гьадин лъазабуна Интерфакс агентлъиялъ. Къадыровасе ва Чачан республикаялъул цогидал пачалихъиял хъулухъчагIазе суалал кьей тIалаб гьабуна апрель моцIалда Немцовасул гIага-божараз.
Къадировас лъазабуна жив хIадурав вугин суравалде гьелдалъун цIех-рехалъе пайда щвани, ва жиндир интерес бугин хасго кинал суалазе жавабал кьезе кколелали.
Борис Немцов чIваялда щаклъи бугев щуго чачанав ккун вуго. ЦIех-рехчагIазул пикруялда гьел ккола тIадкъай тIуразарурал такъсирчагIи, амма хасго лъил гьеб тIадкъай букIараб – жеги баянаб гьечIо.