Цолъарал Штатазул Пачалихъияв секретарасул кумекчIужу Виктория Нуланд Москваялда данделъана инсанасул ихтиярал цIунулей хIаракатчIужу Москваялъул Хельсинкиялъул къукъаялъул бетIер Людмила Алексеевагун.
Гьелъул рагIабазда рекъон, Нуландил рахIат хун бугин асир гьаюрай Украиналъул рагъулай хъулухъчIужу Надежда Савченкол къисматалъ.
Нижер радиоялъе интьервью кьолаго, Людмила Алексеевалъ гьединго абуна Виктория Нуландица хьул лъолеб гьечIин гьеб данделъиялдаса нахъе Савченко эркенлъуде йиччазе йикиналда ва Россиялда хIукуматалъул гурел гIуцIабазда бараб тIалъиялъул бербалагьи хисиялда.
Рехсараб данделъи лъугIун хадуб, Виктория Нуландица кIалъа-басаял тIоритIана Россиялъул къватIисел ишазул министр хисулев Сергей Рябковасулгун ва статс-секретарь Григорий Карасиницагун.