ГьатIан къоялда Македониялъул тахшагьар Скопьеялде аза-азар чи вачIун вуго хIукуматалде данде демонстрация тIобитIиялъул мурадалда.
Протесталъул акциялде ахIана Македониялъул Социал-демократияб цолъиялъул нухмалъиялда гъоркь ругел оппозициял партиябаз.
Акция гIуцIаразе бокьун буго, премьер-министр Никола Груевски ва гьесул хIукуматалъул гIахьалчагIи хъулухъаздаса нахъе инегIан демонстарнтаз хIукуматалъул квартал ккун чIезабизе.
Шамат къоялда Груевскияс лъазабуна, жинца инкар гьабулеб бугин хъулухъалдаса нахъе инеги заманалъулаб хIукумат гIуцIизегиян.