Associated Press агентлъиялъул лъазабиялда рекъон, шамат къоялда Мисралъул диваналъ улкаялъул вукIарав президент МохIамад Мурсие къотIана чIваялъул тамихI. Гьелъул лъазабиялда рекъон, гьединаб вердикт къотIун буго пачалихъиял балъголъиял къватIир чIвазариялъул гIайибги гIунтIизабун.
2012 соналда чIвадариялде гIадамал гьесизариялъул ва демонстрантазе гIазаб кьеялъул гIайибги гIунтIизабун Мисралъул диваналъ Мурсие бихьизабун букIана туснахъалъул 20 сон.
Пачалихъалъул жакъасев нухмалъулев ГIабдел ФаттахI ас-Сисил нухмалъиялда гъоркь 2013 соналда "Вацал-бусурбаби" абураб террористияблъун лъазабураб багъа-башариялъул вакильлъун вукIарав Мурси Мисралъул рагъулаз махIрум гьавуна президентасул тахалдаса. Гьесул багъа-башариялъул гIахьалчагIазе гьукъана бокьараб, гьелдазго гъорлъ демонстрацизул хIаракатчи.