ГIиракъалъул улка цIуниялъул министерлъиялъ тасдикъ гьабулеб буго Цолъарал Штатазул нухмалъиялда гъоркь бугеб рагъулаб коалициялъул къуватазул авиакьабиязул хIасилалда «Исламияб пачалихъ» гIуцIиялъул лидеразул цояв ГIабдель РахIман МостIафа МохIамад чIван вукIин.
Гьеб идараялъул пресс-секретарь бригадаялъул генерал Ибрагьим Тагьсиница лъазабухъе, авиакьаби щвезабулеб мехалда ГIабдель РахIман МостIафа МохIамад ва гьесул пиша цояв Абу Алаа аль-Афри рукIун руго улкаялъул шималияб рахъалда бугеб Таль-Афар шагьаралъул мажгиталда жанир. Гьезда цадахъ хун руго гIуцIиялъул гIемер яргъид гIуцIаралги.