Пачалихъияб Думаялъ талат къоялда нахъ чIвана тероризмалде гIахьаллъиялъе ва наркотикал хIалтIизариялде гIадамал руссинариялъе сабаблъун хвелалъул тамихI къотIиялъул нух рагьулеб тIоцебесеб цIалиялъул къануналъул проект. КIиябго документ хIадур гьабун букIана ЛДПР партиялдаса Роман Худяковас.
Къануназде данде бахъана Гражданиял, такъсириял, арбитражалъул ва процессуалиял къанунал рахъиялъул комитет. Гьелъул вакильзабаз кIвар буссинабуна Россиялъ Инсанасул ихтияразул ва эркенлъиязул Европаялъул конвенция гъулбасун букIиналде ва гьелда рекъон Россиялъ тамихI гьабулел чIваялъул практика хIалтIизабунгутIиялъулги, хадуб гьелдаса тIубанго инкар гьабиялъулги тIадеросиял гьарун рукIиналде.