Россиялъул президентасда цебе бугеб инсанасул ихтиярал цIунулеб аппараталъул нухмалъулей ай омбудсмен Элла Памфиловалъ абуна Чечняялда Россиялъул къануналхвезари риччазе бегьуралин. Гьелъ гьедин абуна Ножай-Юрт мухъалъул РОВДялъул нухмалъулев 57 сон барав Нажуд Гучиговас 17 сон барай цIалдохъан Хеда Гойбалиева чIужулъун ячуней йигин информациялда тIаса баян кьолаго.
Памфиловалъ Рамзан Къадировасухъе ругьел битIана гьединал хIужжаби риччазе бегьуларин республикаялдаян. Гьелъул рагIабазул рахъккуна инсанасул ихтиярал цIунулеб президентасул шураялъул нухмалъулев Михаил Федотовасги.
Гьединго Санкт-Петербургалъул парламенталъул депутат Виталий Милоновас гIарза хъвана Россиялъул МВДялъул нухмалъулев Владимир Колокольцевасухъе гьеб хIужжаялъе къимат кьеян. Полициялъул моралияб рахъ хвезабулеб бугин Гучиговасул ишалъилан рикIкIунеб буго Милоновас.
Амма Гучиговасе 17 сон барай цIалдохъан кIиабилей чIужулъун ячине изну кьуна Чечняялъул бетIер Рамзан Къадировас. «Новая газеталъ» хъван букIана гьелъул хIакъалъулъ. Газеталда гьеб информация бачIун хадуб, ахIи-хIур бахъана республикаялда. Къадировас хасаб данделъи гьабуна ва гьениб бицана жинца божарав чи витIанин росулъе ва гьес лъазабунин яс рази йигин Гучиговасул кIиабилей чIужулъун яхъинеян.