Магърибалъ Россиялде данде лъазарурал санкцияздаса зарал 2015 соналда бахине бегьула 75 миллиард евроялде. Гьеб кколеб рагIула ВВПялъул, ай жанисеб валалъул продукталъул щуго гIанаб процент. Гьелъул хIакъалъулъ лъазабуна Пачалихъияб Думаялда, санайилаб докладгун цеве вахъунаго, Россиялъул премьер-министр Дмитрий Медведевас.
Гьесулго рагIабазда гьанжеялдего бугеб заралги кIудияб буго. КъватIисел улкабазул экспертазул цоязул къиматалда гьеб кколеб рагIула 25 миллиард евро. Медведевасул рагIабазда, гьечIо цогIаги сфера жидеде санкциязул асар щвечIел.
Премьер-министрасул пикруялда, кризисалъул завал щун хадуб, Россиялъул экономикияб загьирлъулеб буго стабилизация. Гьелдаго цадахъ гьес лъазабуна, парахалъиялъе багьана гьанжеги гьечIин, къватIисан экономикияб тIадецуй тIадеги къувалъизе бегьулин.