МагъчIваялъе рес

Евгения Чирикова гочана Эстониялде


ЖамгIияй хIаракатчIужу Евгения Чирикова лъималгун гочун йиго Эстониялде. Гьелъул рагIабазда рекъон, гьей гочана лъималазе ва гьелъие хIинкъи гьечIеб бакIалде.

Чирикова лъалаан политикияй ва жамгIияй хIаракатчIужу гIадин. Химки шагьаралда гIагарда бугеб рохь цIуниялъе гIоло хасаб багъа-бачари гIуцIана гьелъ ва чанги митингги гьабуна. Химкиялъул мэрасул рищиялдаги гIахьаллъана гьей.

Чириковалъ рикIкIунеб буго жакъа къоялда Россиялда оппозициялде данде хIукуматалъул гьужумал цIикIкIунел ругин. ХIукуматалъ къварид гьарулел руго оппозициялъул активистал гурелги, гьезул гIагарлъиялдаса чагIиги илан абуна гьелъ.

XS
SM
MD
LG