Путиниде гьоцIдерил хитIаб

ГьоцIдерил ГЭСалъе бараб хIавузалъул лъеде гъоркье унел ракьазухъ компенсациязул бихьизабураб къадар тIубанго щвечIо гIоцIдерие. Гьеб тIалаб гьабун гьез хъвана гIемер гIарзаби батIи-батIиял инстанциязде. Гьез тIоритIана митингал, батIи-батIиял акцияби. Гьанже жидер хутIулеб бугин гIицIго улкаялъул президентасде хьулин, абун буго гьез нижер мухбиралде ва хIадурлъулел руго 16 апрелалда тIобитIизесеб Владимир Путинилгун «чIагояб» эфиралда рес щвани видеокамераялда цебе загьир гьабураб суал президентасе кьезе.