Америкаялъул цолъарал штатазул госсекретарлъун йикIарай Хилари Клинтоналъ абуна жиндие улкаялъул президентлъун яхъине бокьун бугилан. Экспертазул пикрабазда рекъон, рищиязда штатазул демократиялъулаб партиялъул вакиллъун йикIине бегьила Клинтон.
Амма политикалъул рейтинг гIодобе кколеб бугилан, лъазабулеб буго прессаялъ. Клинтонил рейтинг борхиналъул программаялъул цояб бутIалъун ккола Россиялъул президент Владимир Путин какиялъул политика.