МагъчIваялъе рес

Донбасалда тунка-гIуси ккана


ГIодоркъоязда Донбассалда азаргоялдаса цIикIкIун кьвагьиял кканилан лъазабулеб буго ОБСЕялъул хасаб комиссиялъ. 12 февралалда Минскалда гъулбасараб къотIи-къаялда рекъон, Украиналъул нухмалъиялъ ва сепаратистаз тунка-гIусиял чIезаризе кколел рукIана.

ОБСЕялъул комиссиялъ лъазабухъе, гьатIан къоялда кIибго рахъалда гьоркьоб рагъулаб дандечIей ккана. Танкал, бакIаб артиллерия, гранатометал, минометал ва цогидаб ярагъ хIалтIизабун унеб букIанин рагъилан хъван буго комиссиялъул рапорталда. Гьеб тунка-гIусиялда хун рагIула цо журналист. Гьесул цIар мухIканлъизабулеб буго.

XS
SM
MD
LG