7 апрелялда Балтиялъул ралъдат гIатIилъиялда тIад Россиялъул гIурхъиде гIагарлъун боржун унеб букIараб хасаб цIех-рех гьабулеб Цолъарал Штатазул рагъулаб боржароялде данде Россиялъул рагъулаб боржаро бачIун букIана, ва гьелдаса нахъе Америкалъул пилотас хIукму гьабуна нахъ вуссине, ян лъазабуна шамат къоялъ Россиялъул улка цIуниялъул министерлъиялъул вакил Игорь Конашенкоца.
Гьесул рагIабазда рекъон гIорхъолъа борчIараб хIужа ккечIин.
Жиндир иргаялда Пентагоналъ лъазабуна Америкалъул боржаро гIадатияб къагIидаялда боржун унеб букIанин халкъаздагьоркьосеб гьавадул гIатIилъиялда ва Россиялъул аэропланалъ профессионалияб гуреб ва хIинкъи кьолеб къагIидаялъ гьелде данде бачIанин.