МагъчIваялъе рес

Армениялда хъизам чIварав гIурус аскарияв диваналда цеве эхетизавизе вуго


Армениялъул Гюмри шагьаралда цо хъизам-кулпаталъул 7 чи чIварав Россиялъул рагъулав хъулухъчи Валерий Пермяков медицинияб экспертизаялъ рикIкIана гIакълудул сахълъи бугев чилъун.

Гьединлъидал гьев диваналда цеве эхетизавизе ккола.

Пермяковас Аветисянил хъизам чIвана исана 12 янваляда. ЧIваразда гъорлъ кIиго лъимерги букIун буго.

Дагьалъ цебе лъазабун букIана Пермяковасе диван гьабизехъин бугин Гюмриялда бугеб Россиялъул рагъулаб базаялда.

Армениялда разилъи гьечIолъиялъул акциял тIоритIана гьелдаса нахъе. Аза-азар чияс тIалаб гьабулеб букIана такъсирчи республикаялъул низам цIунулеб системаялъе кверде кьей.

XS
SM
MD
LG