Россиялдаса КIудияб Британиялде лъутарав ФСБ-ялъул вукIарав хъулухъчи Александр Литвиненко чIваялда щаклъи бугев Дмитрий Ковтуница абулеб буго Литвиненкоца ракIалдаго гьечIого живго жинцаго чIванин.
Литвиненко гIумруялдаса ватIалъана Лондоналда 2006 соналда, загьруяб жогун чай гьекъон.
Британиялъул хасал хъулухъчагIаз гьеб такъсиралъул гIайиб гIунтIизабулеб буго рехсарав Ковтуниде ва ЛДПР партиялъул рахъалъан Россиялъул Пачалихъияб Думаялъул депутат Андрей Луговоясде.
Гьев кIиявго ккола Россиялъул рукIарал хасал хъулухъчагIи.
Ковтунил рагIабазда рекъон радиоактивияб полониялъул лъалкIал жинда ва Луговоясда тIад ратун рукIанин Литвиненкогун букIараб данделъиялдаса нахъеилан.