МагъчIваялъе рес

Израилалъ какулеб буго Ираналъул ядерияб программаялда сверун къотIи-къай


Ираналъулгун халкъаздагьоркьосеб «анлъилабалъ» Тегераналъул ядерияб программаялда хурхун гьабураб къотIи-къай кколин «хIинкъи бугеб рахъалде» галийин, лъазабуна Израилалъ.

Израилалъул хIукуматалъул вакил Марк Регевица лъазабуна, Ираналъул цого-цо бегеб мурад кколин ядерияб ярагъ гьабийин. Гьесулго пикруялда, ахирисеб хIукмуялъ къаларо Ираналъе атомияб бомба гьабиялде нух. КъотIи-къялда рекъон, Ираналда хирияб ядерияб инфрастуруктура хутIи гуребги, гьениб къалеб гьечIо цогIаги ядерияб объект, ян жубалеб буго Регевица.

Ираналъул ТIадегIанав лидер Аятолла Хаменеил кумекчи ХIосен ШаригIатмадарица хъачIаб къагIидаялда какана хамиз къоялда гьарурал къотIи-къаял. Гьесул рагIабазда, гьез Ираналъул ядерияб программаялъе кIудияб зарал ккезабизе буго.

Хамиз къоялда Швейцариялъул Лозаннаялда гьарурал хIумуязда рекъон, Тегераналъ гIорхъаби чIезарулел руго жидерго ядерияб программаялъе. Гьелъухъ Ираналдаса тIаса рахъизе кколел руго цо-цо халкъаздагьоркьосел санкцияби.

XS
SM
MD
LG