МагъчIваялъе рес

Москваялъул клубал разилъун гьечIо Борис Немцов ракIалде щвезабулеб концерт тIобитIизе


Москваялъул клубаз инкар гьабун буго Борис Немцов ракIалде щвезавун 7 апрелалда концерт гьабизе. Гьединаб тадбир тIобитIизе хIукму гьабун буго оппозицияв политик чIван 40 къо тIубаялда хурхун.

Гьелъул хIакъалъулъ лъазабулеб буго Facebook-алда «Дождь» телеканалалъул продюссер ва журналист Михаил Козыревас.

Гьесул рагIабазда, Москваялъул клубазул байбихьуда интерес букIана гьединаб цебелъеялде, гьез заман босун букIана ургъизе, амма сордо-къо ун хадуб батIи-батIиял багьанаби рехсон, инкар гьабуна.

Гьеб тадбир тIорбитIизе разилъанин гIицIго цо чи – Стас Наминин, хъвалеб буго Козыревас. Аммайин абулеб буго гьес, концерт гIуцIулез жидецаго инкар гьабунин Горькиясул паркалда бугеб гьеб тIобитIизе, гьениб ригIидалил сцена букIиналда банин.

ХIасилалдаги артистал цере рахъине рагIула «Дождь» телеканалалъул эфиралда. Концерталде цIар лъун буго «Немцов Мост» абун. Концерталда гIахьаллъизе рагIула Юрий Шевчук, Андрей Макаревич, «Би-2» ва цогидал.

XS
SM
MD
LG