АрбагI къоялда Тунисалъул тахшагьаралда бугеб «Бардо» абураб музеялде гьабураб тIадекIанцIиялъул хIасилалда хвана микъго чи.
КъватIисел ишазул министерлъиялъул вакиласул лъазабиялда рекъон, хваразда гъорлъ вуго къватIисел улкабаздаса 7 турист ва цо бакIалъулав чи.
Хварал туристазул миллаталъул ва гражданлъиялъул хIакъалъулъ лъазабулеб гьечIо. Гьанжеги лъазабулеб гьечIо гьединго щал гьеб тIадекIанцIиялда нахъ ругелали. Гьез гъоркьлълие восун вуго чанго чи.
«Бардо» абураб музей буго Тунисалъул парламенталъул минаялда аскIоб ва гьеб ккола туристал бищунго гIемер щолеб бакI.
Россиялъул туриндустриялъул цолъиялъул пресс-секретарь Ирина Тюриналъул лъазабиялда рекъон, гъоркьлъалие росаразда гъорлъ гьечIо туроператоразул кумекалдалъун гьенире рачIарал Россиялъул гражданал.