МагъчIваялъе рес

Песковас бицунеб гьечIо Путин кив вугевали


Россиялъул президент Владимир Путинил пресс-секретарь Дмитрий Песковас инкар гьабун буго президент вугеб бакIал бицине. Гьедин лъазабулеб буго «Дождь» телканалалъ.

Гьезул баяназда рекъон, Путин гриппалъ унтун вуго ва гьев вуго Новгородалъул мухъалда Валдай хIорихъ бугеб резиденциялда. Амма Путин унтунищ вугевин гьикъараб мехалда Песковас абун буго: «Гьелъие комментарий кьоларо. Гьеб тема къан буго»,-ян.

Цебе Песковас лъазабулеб букIана президентасул сахлъи букIине кколеб бугин.

Итни къо 16 марталда, цебеккун гIуцIараб планалда рекъон, Путин дандчIвазе ккола Хъиргъизиялъул президент Алмазбек Атамбаевгун Санкт-Петербургалда.

62 сон барав Путин жамгIияталда вихьун гьечIо 5 марталдаса нахъе. Гьеб киналъго рижизарулел рукIана гьев унтун вугин абурал харбал.

XS
SM
MD
LG