9 марталда МахIачхъалаялда Ирчи Гъазахъил къотIноб бугеб базаралда аскIов низам цIунулез ккун вуго «Яблоко» партиялъул Дагъистаналда бугеб бутIаялъул нухмалъулев Артур Бабаев. Полицияльулас чIезеги гьавун жидеда цадахъ вилъине кколин льазабун буго гьесда, гьез кинал рукIаниги документалги рихьизарун гьечIо ва гьев кквеялъе гIиллаги бицун гьечIо. ГьабсагIат гьев МахIачхьалаялъул Ленинский мухъалъул полициялъул бутIаялда вугин лъазабулеб буго гьесда цадахъ хIалтIулез. Полициялъ яги гьесул адвокатаз гьеб лъугьа-бахъиналда тIасан жеги баян кьолеб гьечIо.