Евроцолъиялъ хIакъикъаталде данде кколеб къагIидаялда билъанхъизабулеб буго Россиялда хурхун политика. Амма Евроцолъиялъ рикIкIунеб буго Россиягун конфронтациялде ине кколарин ва гIамал гьабизе кколин гьелъулгун гьоркьорлъаби гIуцIизе. Гьедин лъазабуна шамат къоялда Евроцолъиялъул къватIисеб политикаялъул тIадегIанай вакил Федерика Могериница Ригаялда тIобитIараб пресс-конференциялда.
Шамат къоялда Ригаялда рагIалде бахъана Евроцолъиялъул къватIисел ишазул министразул кIигокъоялъулаб официалияб гуреб данделъи.
Гьез гьоркьоб лъурал темабазул алияб букIана Россиялде данде цIиял санкцияби рилъанхъизариялде Евроцолъиялъул хIадурлъи баянлъизаби. Амма бищунго кIвар кIудияб суал букIанин гьениб Украиналъул машрикъалъул рахъалда лъазабураб кьвагьдей чIезабиялъул режим цIуниялъулин, лъазабуна жийго Могериница.