Эркенлъи Радиоялъул эфиралда оппозициялъулав Илья Яшиница рагIи кьуна, чIваледа цебе Борис Немцов тIад хIалтIулев вукIараб «Путин. Рагъ» абураб Донбассалда унеб конфликталъул бицунеб доклад басмаялде бахъизе.
Немцов чIвараб сардикь гьесул квартираялда цIех-реххчагIаз чIухь бана. Гьез жидехъего бахъун буго оппозициялъуласул компьютер ва гьениб букIун буго гьеб докладалъул цого-цо экземпляр. Амма Яшинил рагIабазда, Немцовас бакIарараб информация, гьелдаго гъорлъ Украиналда хварал Россиялъул солдатазул улбузул нугIлъиял цIунун руго ва гьел къватIире чIвазаризе руго.