МагъчIваялъе рес

Венаялъул туснахъалъув хварав ГIалиев Рахатил бидулъ наркотикал ратун руго


Австриялъул прокурораз лъазабулеб буго гьезул туснахъалъув хварав ГIалиев Рахатил бидулъ наркотикал ратун ругин. Казахстаналъул президент НурсултIан Назарбаевасул вукIарав дурц ГIалиев ватун вукIана 24 февралалда Венаялъул туснахъалъув жанив тIамураб бакIалда кваридаги далун.

52 сон букIарав гьесул бидулъ ратарал барбитуратал абулел наркотикал тIуранго гьукъун руго Австриялда дараби хIисабалда, гьединлъидал кIудияб щаклъи буго даруйин абун гьел гьесие тохтурас хъван ратиялда.

Прокуратураялъ гьединго лъазабулеб буго экспертизаялъул мухIканал баянал гIагарол къоязда тIатинаризе ругин.

ГIалиев Австриялъул туснахъалда вукIана араб соналъул июналдаса нахъе. Казахстаналда гьесда гIунтIизабулеб букIана 2007 соналда кIиго банкир чIваялъул гIайиб. Австриялъ инкар гьабун букIана Казахстаналде гьесие экстрадиция гьабизе.

XS
SM
MD
LG