МагъчIваялъе рес

Актриса Орнелла Мути туснахъ гьайизе рес буго


Италиялдаса актриса Орнелла Мутие диванханаялъ бихьизабун буго туснахъалъул микьго моцI ва гьелда тIад къотIун буго 600 евроялда бащадаб магъало. DPA агентлъиялъ лъазабухъе, Италиялъул Порденоне шагьаралъул диванханаялъ талат къоялда Мути лъазабун йиго 2010 соналъул декабралда Верди театралъул администрация гуккиялъул гIайиб бугейлъун. Жий унтун йигин абураб гьереси кагъат тохтурасухъаги босун гьей хIалтIизе яхъун гьечIо. Хадусан лъан буго гьеб къоялъ актриса Петербургалде йоржун йикIин доб мехалда Россиялъул премьер-министрлъун вукIарав Владимир Путингун рахIмуялъул абулеб сухIматалда гIахьаллъизе.

ДиванчIужу Патрициа Боттерияца лъазабун буго Орнелла Мути туснахъ гьайичIого шартI бихьизабун жаний тIамизе бегьулин театралъе компенсация хIисабалда гьелъ 30 азарго евро кьунийин.

XS
SM
MD
LG