МагъчIваялъе рес

Рогозиница «Дагдизелалда» гIайибал чIвана


Дагъистаналде вачIарав Россиялъул хIукуматалъул вице-премьер Дмитрий Рогозиница гIайибал чIвана Каспийск шагьаралда бугеб «Дагдизель» абураб заводалда. Лъадалъ букъардулеб гамида хIалтIизабулеб торпедо гьабула гьениб. Цебе гIадин гьанже Украинаялъул заводалгун цадахъ рекъон хIалтIизе бажарунгутIиялъ торпедо гьабизе хIажатал алаталги щвечIого, завод нахъа хутIун рагIула.

Гьединго ахираб 30 соналда жаниб гьенив хважаинго вихьулев гьечIила, гьечIила генералияв конструкторги, гьечIила гьеб иш гIуцIа-къан цебехун бачунев чигиян хIасил гьабуна Дмитрий Рогозиница.

«Дагдизелалъул» лъикIаб хIал гьечIилан Россиялъул нухмалъиялде ахIи бан букIана дагьал церегIан къояз Дагъистаналде щведал Шималияб Кавказалда улкаялъул президентас тарав вакил Сергей Меликовасги.

Гьедин хIалтIухъабазе харжал кьезе рес гьечIолъиялдаги цогидал масъалаби тIуразе кумек хIажат букIиналдаги бан гьабсагIаталда «Дагдизелалъ» Россиялъул тIалъиялде битIизе документ хIадурулеб буго.

XS
SM
MD
LG