Дагъистаналда захIматго вухана адвокат... иргадулаб нухалда

МахIачхъалаялда вухарав инсанасул ихтиярал цIунулеб "Мемориал" гIуцIиялъул адвокат Мурад МухIамадовасул гIумруялъе хIинкъи гьечIин лъазабулеб буго тохтурзабаз. Гьезул рагIабазда рекъон вухиялъул хIасилалда адвокатасул сахлъиялъе гIезегIан кIудияб зарал ккун буго. Вухарас ва гьесул сверухълъиялъ рикIкIунеб буго гьеб тIадекIанцIи гьабиялъе гIиллалъун кканин Мурад СагIид - Апанди чIваялда щаклъи бугев ГIамирханов МухIамадил адвокат вукIин. Гьедин гьеб ишалда гьоркьоса Мурад нахъе иналъе вухун вугин гьевилан.