20 гIанаб сон чемоданазда

НусгогIан чияс гIахьаллъи гьабураб ЦIияблак мухъалдаса гочинаризе кколел тумазул данделъиялда гIадамаз лъазабуна, гочинарулаго жидее рукIине кколлел санагIалъаби чIчIезаричIого жал ругеб бакIалдаса кирениги ине гьечIилан. Гьез тIалаб гьабулеб буго жидее букIине кколедухъ гочунаго гъоркьтолеб бугеб магIишаталъухъ букIине кколеб рецIалил гIарац кьейилан ва цIияб бакIалда гIумру гьабизе сахал шартIал чIезарейилан. Гьединго тумазул аслияб тIалаблъун буго гочинарун хадуб гьезул жидерго хасаб мухъ гIуцIиги. Гьаб сагIат гьел гочинарулел руго Хъумторхъала мухъалда гьоркьоре унел ракьазде.