Франциялъул президент Франсуа Олланд ва Германиялъул канцлер Ангела Меркель Украиналда бугеб ахIвал-хIал гьоркьоб лъеялъул мурадалда рузман къоялде ине руго Москваялде.
Гьелъул хIакъалъулъ Франциялъул президентас лъазабуна хамис къоялда Парижалда букIараб пресс-конференциялда.
Германиялъул хIукуматалъул вакилас лъазабуна, Украиналда ахIвал-хIал хIалуциналда бан Франциялъги Германиялъги къувалъизабулеб бугин хIалтIи конфликт ракълилаб къагIидаялда рагIалде бахъинабиялъейин.
Олландил рагIабазда Франциялъги Германиялъги хIадур гьабун буго Украиналъул территориалияб тIолголъи кьучIода бугеб цIияб цебелъей. Хамиз къоялда Франциялъулги Германиялъулги лидерал щолел руго Киевалде Украиналъул президент Петр Порошенкогун дандчIваялъул мурадалда.
Гьенивго вуго Цолъарал Штатазул пачалихъияв секретарь Джон Керриги.