Цолъарал Штатазул Миллияб хIинкъигьечIолъиялъул агентлъиялъухъе щун буго Россиялъул хасал хъулухъазул хIалтIухъанлъун вукIарав Александр Литвиненко чIваялъул щаклъи бугел гIадамазул цоцахъе хъвалел рукIарал электрониял кагътал.
Гьел документаз бихьиазабулеб рагIула Литвиненко чIваялде Россиялъул нухмалъиялъул хурхен букIин.
Гьелъул хIакъалъулъ хъвалеб буго The Telegraph абураб Британиялъул газетаялъ.
Гьелъго лъазабулеб буго гьел документал къануназда рекъон диваналда хIалтIизаризе бегьуларин.
Литвиненкол лъадиялъ Америкаялъул хасаб хъулухъалда гьарулеб буго гьел документал къватIир чIвазареян.
Александр Литвиненко хвана 2006 соналъул ноябралда Лондоналда гьесие полоний кьеялъул хIасилалда.