МагъчIваялъе рес

Донецкалъул аэропорталда тунка-гIусиял халат рахъунел руго


Украиналъул информалатаз тIибитIизабуна информация улкаялъул рагъул къуватаз Донецкалъул аэропорт танин. Стратегияб рахъалдаса кIвар кIудияб позициялъухъ тунка-гIусиял халат рахъунел рукIана 242 къоялъ. Журналист Юрий Бутусовас лъазабулеб буго, Украиналъул рагъулаз тараб аэропорт тIубанго биххизабун бугин.

Хадур рачIарал лъазабиязда рекъон, Аэропорталъул цо бутIа гьанжеги Украиналъул рагъулазухъ буго ва гьенир тунка-гIусиял халат рахъунел руго.

Гьелъул хIакъалъулъ хамиз къоялда лъазабуна брифингалда Донбассалда тIобитIулеб пачалихъиял къуватазул рагъулаб операциялъул штабалъул бетIер Андрей Лысенкоца.

Хамиз къоялда Донецкалъул къватIаздаса сепаратистаз вачун руго кверде восарав Украиналъул 17 рагъулав. Гьел щвезарун руго гIадамал хварал бакIазде, гьелдаго цадахъ аэропорталдеги.

XS
SM
MD
LG