Пакистаналъул Карачи шагьаралда полициялъ хIалтIизаруна магIу бачIинабулеб газ ва лъим речIчIизабулел автомашинаби МухIамад аварагасда (с.гI.с.) хурхун карикатураби рахъиялда разилъи гьечIолъи бихьизабизе митингалде вахъарав 200-гIан чиясде данде. Гьезулги цIикIкIунисел рукIун руго студентал.
Лъабго чи лъукъун вуго улкаялда Франциялъул вакиллъиялда цебе букIараб тунка-гIусиялда, лъукъаразда гьоркьов вуго Франциялъул AFP информалаталъул фотокорреспондентги. Протесталъул акциял тIоритIун руго гьединго Лахор ва Исламабад шагьараздаги.