Дагъистаналъул Буйнакск ва Дербент мухъазда ккун вуго Москваялда инкассаторал талавур гьавиялда щаклъи бугев лъабго чи.
ГIайибги гIунтIизабун, жанир тIамун руго гьел. Гъоркьисала октябралда 46 млн. цIикIкIун гъурущ бахъанин гьез инкассаторазухъайин рикIкIунеб буго низам цIунулез. Руго баянал гьев лъабасдаго цадахъ цоги чиги вукIанин абурал. Гьев валагьулев вуго. Гьел киназулго рагIула лъебериде щвезегIан санал.
Инкассаторал талавур гьариялда щаклъи ккарал чагIи ралагьизе Москваялъул низам цIунулезе кумек гьабун буго Дагъистаналда ругел гьезул махщелцояз. Гьедин лъазабулеб буго низем цIунулез.