Андрей Звягинцевасул «Левиафан» абулеб фильм бихьизабун буго «Оскар» кьеялъул къецалде «къватIисеб улкаялъул мацIалда бахъараб бищунго лъикIаб фильм» абураб номинациялда. «Оскар» кьеялъул церемония букIине буго 2 марталда Беверли-Гьиллзалда.
Гьелда бицунеб буго Баренцово ралъдал рагIалда гIумру гьабулеб хъизамалъухъа бакIалъул мэрас рукъ бахъулеб куцалъул.
Гьанжеялде гьелъие щун буго «Меседил глобус» абураб премияги.
Гьеб киноялда разияб гьечIо Россиялъул нухмалъи, амма кин бугониги гьеб Россиялда бихьизабизе байбихьизе буго 5 февралалда.