Россиялъул рагъулав хъулухъчи Валерий Пермяков мукIурлъана Гюмри росулъ эрменазул хъизам чIваялъул гIайибалъе.
Щиб гьеб чIвадариялъе гIиллалъун ккарабали жеги лъалеб гьечIо. Доб бакIалда Россиялъул рагъулаб база буго.
Такъсир гьабун буго 12 январалда. ЧIван вуго анлъго чи. Гьезда гъорлъ 2 сон барав лъимер. АнцIго моцI барав цогидав лъимер захIматго лъукъун, азарханаялде щвезабун буго.
Армениялъул низам цIунулез абулеб буго Пермяковасе диван гьабизехъин бугин Россиялда, гьев Россиялъул гражданин вукIиналъ.