МагъчIваялъе рес

Чачаназул парламенталъул жигар


Чачан республикаялъул парламенталъ Россиялъул Пачалихъияб Думаялда цебе лъуна цIияб къануналъул проект. Гьеб бараб буго терроризмалде шаклъи бугезда, жалго террористазда ва гьезул кумекчагIазда. Гьадин лъазабуна «Интерфакс» агентлъиялъ.

Чачаназул депутатаз тIалаб гьабулеб буго гьединал гIадамал 25 соналъ жанире тIамизе ва гьезухъа мул-малк бахъизе.

Гьеб гуребги, чачаназул депутатазул пикруялда такъсирчиясул улбулги жавабчилъиялде цIазе ккола.

Россиялъул инсанасул ихтиярал цIунулел хIаракатчагIаз гьединаб къануналъул проект какун, абуна жидер хьул бугин Пачалихъияб Думаялъ гьеб нахъ чIваялда.

XS
SM
MD
LG